21 апр 10:47
Янгиликлар

Бокс/ММА

Нурмагомедов Тошкентда меҳмон бўлди (ФОТО)

Доғистонлик таниқли аралаш яккакураш усталарининг юртимизда меҳмон бўлиши одатий ҳолга айланиб бормоқда.

Энг енгил вазн тоифасида UFC чемпионлиги учун россиялик собиқ даъвогар Умар Нурмагомедов пойтахтимизга келди.

Бу ҳақда спортчи ўзининг Instagram'даги расмий саҳифасида маълум қилган.

Аввалроқ, Умарнинг амакиваччаси, UFC собиқ чемпиони Хабиб Нурмагомедов Тошкентда ўз бизнеси, Papakha Coffee номли янги тадбиркорлик лойиҳасини очганди.

Суратларда Умар Нурмагомедовнинг ҳам айнан Papakha Coffee мажмуасида эканини кўриш мумкин.

Эслатиб ўтамиз, 30 ёшли Умар сўнгги жангини январь ойида бразилиялик Дейвисон Фигейредога қарши ўтказиб, ғалаба қозонган эди.