12 сен 23:25
Янгиликлар
Бокс/ММА
Нурсултон Рўзибоев Москвада навбатдаги жангини ўтказди
Россия пойтахти Москва шаҳрида ММА бўйича Open FC 10 турнири ташкил этилди.
Унда ўзбекистонлик ММАчи Нурсултон Рўзибоев ҳам октагонга кўтарилди.
Ушбу жангда ҳамюртимизга бразилиялик Алекс Де Паула рақиблик қилди. Уч раундга мўлжалланган жанг биринчи раунддаёқ якунланди. Ҳамюртимиз биринчи раундда кетма-кет зарбалар эвазига ҳужумга ўтди. Рақиб эса ушбу вазиятда ҳимоялана олмади. Шундан сўнг ҳакам жангни тўхтатди.
Шу тариқа, Нурсултон биринчи раундда ғалабага эришди.
Мазкур ғалаба орқали Нурсултон Open FC промоушенининг ўрта вазндаги чемпионлик камарига эга чиқди.
Аввалроқ ушбу турнир доирасида Машрабжон Рўзибоев ғалабага эришгани, Раҳматилла Саттаров эса мағлубиятга учрагани ҳақида хабар қилгандик.
Ҳавола :
Манба : olamsport.com
Фикрлар