13 янв 19:33
Янгиликлар

Бокс/ММА

Нурсултон Рўзибоевнинг жамоадоши бўлмиш Шон Брэди навбатдаги жангини жиддий рақибга қарши ўтказадиган бўлди

Жорий йилнинг 31 март куни АҚШнинг Нью-Жерси штати, Атлантик Сити шаҳрида навбатдаги UFC Fight Night турнири ўтказилади.

Мусобақадан ўрин олган навбатдаги жанг маълум бўлди.

Ташкилот президенти Дана Уайтнинг хабар беришича, мусобақа доирасида ярим ўрта вазнда америкалик аралаш якка кураш устаси Шон Брэди (16-1-0) октагонга кўтарилади. Ярим ўрта вазн рейтингида еттинчи ўринни эгаллаб турган Брэдига бу жангда бразилиялик Висенте Льюке (22-9-1) рақиблик қилади. Льюке UFC рейтингида тўққизинчи ўринни банд этиб турибди.

Маълумот ўрнида, Шон Брэди ҳамюртимиз Нурсултон Рўзибоев ва Фирдавс Ҳасановнинг жамоадоши ҳисобланади. Улар АҚШдаги "Marquez MMA" залида биргаликда машғулот олиб боради.

Эслатиб ўтамиз, Шон сўнгги жангини 2023 йил декабрь ойида Келвин Гастелумга қарши ўтказиб, муддатидан олдин ғалаба қозонган эди.