14 сен 22:05
Янгиликлар
Футбол
ОЧЛ-2016. Финалда Жанубий Корея клуби ўйнайди
Бугунга белгиланган Осиё чемпионлар лигаси чорак финали доирасидаги битта ўйин ўз якунига етди.
Хитойнинг “Шандон Луненг” клуби щз майдонида Жанубий Кореянинг “Сеул” жамоасини ыабул ыилди. Дастлабки ўйинда “Сеул” 3:1 ҳисобида зафар қучганди. Бугунги баҳсда 1:1 ҳисоби қайд этилди ва Сервер Жепаровнинг собиқ клуби ярим финалга чиқди.
Кеча шарқий минтақада ярим финалга йўлланма олган дастлабки клуби номи маълум бўлганди. Жанубий Кореянинг “Чонбук Хюндай Моторс” жамоаси икки ўйин натижасига кўра “Шанхай СПИГ” клубини 5:0 ҳисобида ортда қолдирди.
Шундай қилиб, ярим финалда “Чонбук Хюндай Моторс” ва “Сеул” клублари ўзаро тўқнаш келишади.
Ғарбий минтақада ярим финалга чиққан биринчи жамоа номи маълум – “Ал Айн”. Ярим финал баҳслари 27-28 сентябрь ва 18-19 октябрь кунлари бўлиб ўтади. Финал 19 ва 26 ноябрь кунларига белгиланган.
Ҳавола :
Манба : championat.asia
Фикрлар