Octagon 42: Мардиев жароҳат сабаб жангдан чиқди, унинг ўрнига бошқа бир ўзбек октагонга кўтарилади

Хабар бериб ўтганимиздек, эртага Тошкентда Octagon 42 мусобақаси ўтказилади.

Мазкур мусобақа доирасида яримўрта вазнда ўзбекистонлик аралаш жанг санъатлари вакили Фахриддин Мардиев (10-3) қозоғизистонлик Адиль Боранбаевга қарши жанг қилиши лозим эди. Бироқ, Мардиев жароҳат олиб, жангда иштирок эта олмаслигини билдирди. Эндиликда унинг ўрнига бошқа бир ўзбекистонлик — Бобур Абдулазизов (10-8) октагонга кўтарилади.

Бу қозоғистонлик Адиль Боранбаев учун профессионал фаолиятидаги дебют жанги бўлишини таъкидлаш лозим.

Octagon 42 мусобақаси эртага 18:00 да пойтахтимизда жойлашган Reneissance Hall'да бўлиб ўтади. Мусобақанинг марказий жангида ҳамюртимиз Достон Бозоров қозоғистонлик Жансериком Жаксыгуловга қарши чемпионлик жангини ўтказади. Бундан ташқари, Муҳаммаджон Қурбонов, Одилхон Камолов ва бошқа ҳамюртларимиз ҳам октагонга чиқишади.