28 окт 00:24
Янгиликлар

Бокс/ММА

Octagon 65. Мавлонбек Миркомилов тутил жангида ғалаба қозонди, аммо унга камар берилмади

Теглар : Мавлонбек Миркомилов Octagon 65

Хабар берганимиздек, Қозоғистоннинг Олма-Ота шаҳрида ММА бўйича Octagon 65 мусобақаси якунланди.

Мусобақанинг марказий жангида ўзбекистонлик Мавлонбек Миркомилов Қозоғистон вакили Нуржан Акишев билан тўқнаш келди.

Жанг енгил вазн тоифасида Octagon Interim камари учун ташкил этилди.

Тўлиқ давом этган беллашувда ҳамюртимиз ҳакамларнинг якдил қарори ила ғалаба қозонди. Бироқ вазн ўлчаш маросимида 200 грамм оғирроқ чиққани учун Миркомиловдан титул имконияти олиб қўйилди.

Шундай қилиб, Мавлонбек Миркомилов титул жангида ғалаба қозонганига қарамай, камар юта олмади.