24 июл 09:13
Янгиликлар
Бокс/ММА
Одилхон Камолов қирғизистонлик машҳур блогер билан жанг қилади
3 август куни Қирғиз Республикаси пойтахти Бишкек шаҳрида MMA бўйича Octagon 61 турнири ташкил этилади.
Аввалроқ маълум қилганимиздек, мусобақада ўзбекистонлик поп-мма жангчиси Одилхон Камолов иштирок этади. Лига матбуот хизматига кўра, Камоловга турнир доирасида қирғизистонлик блогер Арсенхан рақиб бўлади.
Маълумот учун, Одилхон Камолов проф фаолияти давомида шу кунгача 4 та ғалаба ва 3 та мағлубият қайд этган. У охирги жангини 10 март куни қозоғистонлик Эркебулан Токтарга қарши ўтказиб, очколар ҳисобига кўра енгилган эди.
Юқорида таъкидлаганимиздек, Арсенхан таниқли блогер ҳисобланади. Унинг Instagram'даги саҳифасида 395 минг нафар обуначиси мавжуд.
Ҳавола :
Манба : octagonleague
Фикрлар