Оғир атлетика. Достон Ёқубов ва Адҳам Эргашев учун ЖЧ муваффақиятсиз якунланди

Колумбия пойтахти Богота шаҳри мезбонлик қилаётган 2022 йилги оғир атлетика бўйича катталар ўртасидаги жаҳон чемпионатининг 5-кунида  терма жамоамизнинг 2 нафар вакили Достон Ёқубов ҳамда Адҳам Эргашев -67 кг вазн тоифасида медаллар учун кураш олиб боришди. Бироқ кутилмаганда спортчиларимиз бу гал шоҳсупага кўтарила олмадилар.

Достон Ёқубов даст кўтаришда 135 кг, силтаб кўтаришда 172 кг  ва иккикурашда 307 кг билан жаҳоннинг энг сара спортчилари орасида саккизинчи поғонадан жой олди. Афсуски, яна бир иқтидорли спортчимиз Адҳамжон Эргашев даст ва силтаб кўтариш машқларида ҳеч бир уринишдан унумли фойдалана олмади.

Олтин медал мездон давлат вакили Францислога насиб этган бўлса, Токио-2020 Олимпиада чемпиони хитойлик Чен Лижун кумуш медал эгасига айланди. Бронза медалини таиланд вакили Вирафон Вичума қўлга киритди.

Эркаклар 

ВТ -67кг 

Натижалар:

Олтин - ФРАНCИСКО МОСҚУEРА (Колумбия)

- Даст кўтариш: 143КГ 

- Силтаб кўтариш: 182КГ

- Иккикураш: 325КГ

Кумуш - ЛИЖУН ЧEН (Хитой)

- Даст кўтариш: 148КГ

- Силтаб кўтариш: 176КГ

- Иккикураш: 324КГ

Бронза - ВИРАФОН ВИЧУМА (Таиланд)

- Даст кўтариш: 143КГ

- Силтаб кўтариш: 180КГ

- Иккикураш: 323КГ

Эслартиб ўтамиз Терма жамоамиз вакилларининг кейинги иштироки 11-декабрь санасига белгиланган бўлиб, унда Оғабек Тўхтаев -81 кг вазн тоифасида суппага кўтарилади

Ўзбекистон оғир атлетика федерацияси матбуот хизмати