Оксана Чусовитина граффити ўзгарганига муносабат билдирди

Унда гимнастик либоснинг ўрнига юбка "кийдиришган" ва байроқни ҳам ўзгартиришганди.

Оксана Чусовитина Instagram саҳифаси орқали ушбу ҳолатга ўз муносабатини билдирди:

"Ҳурматли дўстлар ва мухлисларим! Мен сизнинг ҳар бирингизни чуқур қадрлайман ва ҳурмат қиламан ва ҳар қандай вазиятда қўллаб-қувватловчи сўзларингизни эшитишдан жуда хурсандман. 8-Олимпиадамда қатнашиб, Япониядан қайтиб келганимдан сўнг, Чилонзор туманидаги турар-жой биноларидан бирининг фасадида муаллифи @Inkuzart бўлган ноодатий арт-обект пайдо бўлди. Бу мен учун ҳам, чиқишларимни кузатиб борадиган барча учун ёқимли ва ажабланарли бўлди. Биламан, бу расм катта резонансга сабаб бўлди ва юртдошларимиз томонидан жуда кўп ижобий фикрлар олди. Лекин, афсуски, жамиятимизда ҳали ҳам мамлакатимизнинг турли соҳаларида, хусусан, санъат ва спортда амалга оширилаётган бунёдкорлик ва ислоҳотларга ёт, билимсиз, “калтафаҳм” фуқаролар ҳам учраб турибди, афтидан, бу жамоат аҳамиятига эга бўлган объектларга зарар етказиш ва бузиш, таҳқирлаш ва йўқ қилишдир. Мен расмим билан қилинган ишларни фақат вандализм деб аташим мумкин. Шаҳар ҳокимияти менинг гимнастик кийимимга юбка қўшилган расмнинг бузилган жойларини тузатишга қарор қилди. Шахсан менга Тошкент шаҳар ҳокимлигидан қўнғироқ қилишди ва бўлган воқеани айтишди. Бундай эътибор учун жуда миннатдорман. Мен эса бепарво фуқароларга ўз-ўзини баркамол ривожлантиришга интилишларини, кўпроқ мумтоз ва илмий адабиётларни ўқишларини, спорт билан шуғулланишларини ва маънавий жиҳатдан юксалишларини тилайман",-дея пост қолдирди Чусовитина.