Оксана Чусовитина Жаҳон кубоги саралашида энг яхши натижа қайд этди ва финалга йўл олди

Биз учун аҳамиятлиси, ушбу нуфузли мусобақада Ўзбекистон терма жамоаси ҳам иштирок этмоқда. 

Жаҳон кубогининг Қоҳира босқичига терма жамоамиз қуйидаги таркибда жўнаб кетган: 

Оксана Чусовитина, Оминахон Халилова, Дилдора Орипова, Расулжон Абдураҳимов, Абдулла Азимов, Ҳабибулло Эргашев, Ўткирбек Жўраев. Мураббийлар – Элвира Ракова ҳамда Равшан Мирзаев. 

Шунингдек, Стелла Кошечкина ва Отабек Машариповлар мусобақада ҳакам сифатида фаолият олиб боради. Қоҳирадаги мусобақаларда жаҳоннинг 33та давлатидан энг кучли ва истеъдодли спортчилар ғолиблик учун баҳс олиб бориш истагини билдирган. Бу жаҳон кубоги босқичлари тарихидаги рекорд кўрсаткичдир.

Кеча жаҳон кубогининг таяниб сакраш йўналишида саралаш баҳслари ўтказилди. Саралаш баҳслари ҳамюртимиз Оксана Чусовитина учун муваффақиятли кечди. 

У энг яхши натижа қайд этган ҳолда финал босқичига йўлланмани қўлга киритди. Қўшпоя (брус) йўналишидаги саралаш баҳсларида иқтидорли қизимиз Дилдора Орипова ҳам финал босқичига йўлланма олди.