23 фев 11:58
Янгиликлар

Гимнастика

Оксана Чусовитина жаҳон Кубогининг финал босқичига чиқди

Германиянинг Котбус шаҳрида спорт гимнастикаси бўйича жаҳон Кубогининг навбатдаги босқичи давом этмоқда.

Тўртта босқичдан иборат жаҳон Кубогининг иккинчи босқичида жаҳон ва Олимпиада чемпионлари Париж Олимпиадаси учун бериладиган қимматли очколар учун курашишяпти. Жами 300 нафарга яқин гимнастлар қаторида Ўзбекистон терма жамоаси аъзолари ҳам медаллар учун баҳс олиб боришяпти.

Қувонарлиси, ўзининг тўққизинчи Олимпиадаси учун ҳаракат қилаётган афсонавий Оксана Чусовитина ўзининг севимли таяниб сакраш баҳсларида финал йўлланмасини қўлга киритди. Медаллар учун финал баҳслари эртага ўтказилади.

Бугун ҳамюртларимиздан Расулжон Абдураҳимов, Дилдора Арипова, Одина Робижонова, Абдулазиз Мирвалиев ва Ҳумоюн Исломов ўз чиқишларини амалга оширишади. Қоҳирадаги жаҳон Кубоги босқичида Абдураҳимов брус баҳсларида олтинчи ўринни эгаллаганди.