Ольга Забелинская Шавкат Мирзиёевга миннатдорлик билдирди

Карантин даврида спорт мусобақалари ва ўқув-машғулот йиғинлари вақтинча тўхтатилган бўлса-да, спортчиларимиз уй шароитида машғулотларни давом эттиришлари учун барча шароитлар муҳайё қилиб берилаётир. Бу эса спортчиларни ўз устида янада кўпроқ ишлашга, карантин даври тугагач ўз ғалабалари билан юртдошларимизни хушнуд этишга даъват этаётган бўлса не ажаб.

Велоспорт бўйича Ўзбекистон терма жамоаси аъзоси, Осиё чемпиони, Токио олимпиадаси йўлланмаси соҳиби Ольга Забелинская бундай қўллаб-қувватлаш учун барча олимпиячи спортчилар, жумладан велоспорт терма жамоаси аъзолари номидан Ўзбекистон Республикаси Президенти Шавкат Мирзиёевга миннатдорлик билдириб, бундай эътибор ва ғамхўрликларга ўз ғалабалари билан жавоб қайтаришларини билдирди.

Жисмоний тарбия ва спорт вазирлиги Матбуот хизмати