Ольга Забелинская ёш велоспортчиларга маҳорат дарси ўтказди

Жаҳон спортида ўз мавқейига эга бўлган бундай спортчи билан суҳбатлашиш, унинг маҳоратидан сабоқ олиш велоспортга энди қадам қўяётган ёшлар учун катта бахт. Бугун пойтахтимиздаги велотрек базасида Ольга Забелинская ва ёш велоспортчилар иштирокида маҳорат дарси ўтказилди. 

Тадбир давомида ёш спортчилар ўзларини қизиқтирган саволларига жавоб олишди. Ўз навбатида маҳоратли спортчимиз кўп йиллик тажрибаси давомида олган малакаси, стартга ўзини ҳар томонлама яхши тайёрлаш, қийин ҳолатларда ўзини қўлга ола билиш каби вазиятлар бўйича қимматли маслаҳатларини бериб ўтди.