23 окт 12:37
Янгиликлар

Бокс/ММА

Олимжон Назаров Сеулда WBO камарини ҳимоя қилди

Айни дақиқаларда Жанубий Кореанинг Сеул шаҳрида "Cоcybuffalo Promoutions" компанияси томонидан профессионал бокс кечаси ташкил этилмоқда.

Оқшомнинг андеркард жангида ҳамюртимиз Олимжон Назаров (31-26-5, 14 КО) WBО Оriental камарини ҳимоя қилди. Унинг рақиби филиппинлик Майкл Мендоза (14-12-1-1, 4 КО) бўлди. Ўн икки раунд тўлиқ давом этган жанг якунида ҳакамлар бир овоздан 115:113 ҳисобидаги ғалабани Назаровга тақдим этишди.

Маълумот учун, Олимжон Назаров айни пайтда WBO рейтингида 3-ўринни эгаллаб турибди. Бироздан сўнг кечанинг марказий тўқнашуви аёллар ўртасида бўлиб ўтади. Унда кунчиқар юрт вакиласи Этсуко Тада (26-20-3-3, 7 КО) ўзига тегишли WBО камарини вьетнамлик Тху Нхи Нгуяндан ҳимоя қилади. Ушбу жанг 10 раундга мўлжалланган. Вьетнамлик даъвогар боксчи бўлажак жангга тайёргарликни Тошкентда ўтказган эди.