Олимжон Назаровнинг вазнидаги жаҳон чемпионида допинг аниқланди

Мексикалик жаҳон чемпионининг қон таркибида тақиқланган модда аниқланган. Мартинес Невада штати Атлетик комиссияси томонидан четлатилган. У айнан Невада штати ҳудудида сўнгги жангини ўтказган эди. Бу Сезар учун биринчи ҳолат эмас. У 2019 йилда ҳам допинг можаросига аралашиб қоланди. Ўшанда унинг организмида кленбутерол моддаси борлиги аниқланганди.

Маълумот учун, 29 ёшли Хулио Сезар Мартинес профессионал боксда 2013 йилда дебют қилган. 2019 йилда британиялик Чарли Эдвардсга қарши чемпионлик камари учун ўтказган жанги инобатга олинмаганди. Ўша жангдан тўрт ой ўтиб, у вакант бўлиб турган WBC чемпионлик камарини қўлга киритганди. Ҳозиргача Мартинес ўз камарини олти маротаба муваффақиятли ҳимоя қилди. 

Дарвоқе, ушбу вазн тоифасида ҳамюртимиз Олимжон Назаров ўз жангларини ўтказиб келади. Чарм қўлқоп устамиз май ойи рейтингида 32-поғонадан жой олган. Назаров WBО рейтингида 4-ўринни банд этган.