30 июн 12:23
Янгиликлар

Спорт курашлари

Олимпиада-2016 совриндори допинг сабаб 4 йилга четлатилди

Рио-де-Жанейрода ўтган Олимпиада-2016 бронза медали совриндорида допинг аниқланди.

Аёллар кураши (эркин кураш) бахсларида бронза медалини қўлга киритган швециялик Йенни Франссоннинг қон таркибида тақиқланган модда топилган. Бунинг натижасида Йенни 4 йилга барча спорт фаолиятидан дисквалификация қилинди.

Шу йилнинг февраль ойида Франссоннинг "Б"допинг-таҳлилида анаболик стероид — метилтестостерон қолдиқлари аниқланган. Швециялик 32 ёшли эркин курашчи ўз айбини тан олган. Йеннининг дисквалификация муддати 2024 йилнинг 27 январь куни якунланади. Жаҳон ва Европа чемпиони бўлган Франссон бу қарор юзасидан аппеляция беради.