Олимпиада-2018. 22 ёшли сноубордчи супергигант мусобақасида чемпион бўлди

Бундан бир неча дақиқа аввал якунланган мусобақада чехиялик 22 ёшли Эстер Ледецка тарихий ғалабани қўлга киритди. У белгиланган масофани 1 дақиқаю 21,11 сонияда босиб ўтди. Эстер кумуш медалга эга чиққан австриялик Анна Файтни 0,01 сонияга ортда қолдирди. Лихтенштейн вакиласи Тина Вайратер (+0,11) бронза медалига сазовор бўлди. 

Эътиборлиси, Ледецка сноуборд мусобақаларидаги иштироки билан танилган. Унинг супергигант баҳсларида Олимпиада чемпиони бўлиши кенг спорт жамоатчилиги томонидан ҳақиқий сенсация сифатида қабул қилинди. Кумуш медал соҳибаси Файт эса Сочи-2014 Олимпиадасида чемпион бўлган эди. Афсонавий Линдси Вонн 6-ўрин билан кифояланди. 

Тоғ чанғи спорти. Аёллар. Супергигант 

1. Эстер Ледецка (Чехия) — 1.21,11 

2. Анна Файт (Австрия) +0,01 

3. Тина Вайратер (Лихтенштейн) +0,11 

4. Лара Гут (Швейцария) +0,12 

5. Жоанна Шнарф (Италия) +0,16 

6. Федерика Бриньоне (Италия) +0,38 

6. Линдси Вонн (АҚШ) +0,38 

8. Корнелия Хюттер (Австрия) +0,43 

9. Мишель Гизин (Швейцария) +0,46 

10. Виктория Ребенсбург (Германия) +0,51.