Олимпиада-2018. Миша Ге Жанубий Кореяда тантанали кутиб олинди + ВИДЕО

Мазкур Олимпиадада Ўзбекистон шарафини икки нафар спортчи - Комил Тўхтаев ҳамда Миша Ге ҳимоя қилади. Бунгача тоғ чанғиси баҳсларида иштирок этадиган Комил Тўхтаев ўйинлар бўлиб ўтадиган шаҳарга етиб борганди.

Кеча эса фигурали учиш бўйича Ўзбекистон терма жамоаси аъзоси Миша Ге АҚШ орқали Жанубий Кореяга етиб борди. "Кун" нашрининг маълум қилишича, спортчимизни Кореяда қўллаб-қувватлаш гуруҳи аъзолари ҳамда ўзбекистонлик фуқаролар кутиб олишди. Спортчини тантанали қарши олиш ва қўллаб-қувватлаш учун нафақат ватандошларимиз, балки бошқа миллат вакиллари, шунингдек, жажжи  мухлислар ташриф буюришди. Кутиб олиш маросимида Ўзбекистон Давлат мадҳияси жаранг сочди ҳамда спортчига совғалар топширилди. Шунингдек, Миша Ге ўз мухлисларига миннатдорлик билдириб, дастхатини улашди.