Олимпиада-2024 совриндорларидан ҳеч ким US Open иккинчи ҳафтасига ўта олмади

Амалдаги Олимпиада чемпиони Новак Жокович учинчи даврада австралиялик Алексей Попиринга, кумуш медаль соҳиби Карлос Алькараз иккинчи босқичда нидерландиялик Ботика ван де Зандшульпга, бронза медаль совриндори Лоренцо Музетти учинчи даврада америкалик Брэндон Накашимага ютқазиб, мусобақадаги иштирокини тўхтатди.

Аксинча, Париж Олимпиадасининг аёллар ўртасидаги баҳслари ғолиб ва совориндорлари АҚШ Очиқ чемпионати бош соврини учун курашни давом эттиришяпти. Олимпиада чемпиони хитойлик Чжэн Циньвэнь 1/8 финалда кумуш медаль эгаси хорватиялик Донна Векичга қарши кортга чиқади. Бронза медалчи, дунёнинг биринчи ракеткаси, польшалик Ига Свёнтек эса учинчи босқичда россиялик Анастасия Павлюченковага қарши баҳс олиб боради.