16 дек 08:03
Янгиликлар

Шахмат

Олимпиада. Бугун Ўзбекистон - Туркия учрашуви бўлиб ўтади

Бир кунлик дам олишдан сўнг Ҳиндистоннинг Аҳмадобод шаҳрида шахмат бўйича 16 ёшгача бўлган ўсмирлар ўртасида Бутунжаҳон Шахмат Олимпиадаси давом эттирилади.

Олимпиадада муваффақиятли иштирок этаётган Ўзбекистон ўсмирлар терма жамоаси бугун олтинчи тур баҳсида туркиялик шахматчиларга қарши дона суради. Рейтинг бўйича Ўзбекистон 5, Туркия эса 8-рақам остида таснифланган.

Ўзбекистон – Туркия (бугун)

IM Нодирбек Ёқуббоев (2448) – FM Дениз Ўзен (2412)

IM Шамсиддин Воҳидов (2412) – FM Эркин Барис Ўзенир (2377)

Далер Воҳидов (2250) – FM Эмре Энин Дедебас (2258)

Ситора Сапарова (1807) – FM Алпарслан Ишик (2239)

Эслатиб ўтамиз, шахматчиларимиз 5-турда мусобақанинг биринчи тартиб рақамли жамоаси Россияга 1,5:2,5 ҳисобида имкониятни бой бериб қўйишган эди. Бугун тур олдидан Ўзбекистон тўртинчи, Туркия эса еттинчи ўринни эгаллаб турибди.