18 апр 10:50
Янгиликлар

Сув спорти турлари

Олимпиада чемпиони допинг тестларини ўтказиб юборгани учун 21 ойга дисквалификация қилинди

Тунислик сузувчи, Олимпия ўйинлари чемпиони Аҳмад Ҳафнауи допинг назорати тестларини бир неча марта ўтказиб юборгани учун 21 ойга мусобақалардан четлатилди.

Бу ҳақда Aquatics Integrity Unit мустақил интизом органи маълум қилди. Дисквалификация 2024 йил 11 апрелдан 2026 йил 10 январгача давом этади.

22 ёшли спортчи бир йил ичида уч марта жойлашув манзили ҳақидаги маълумотни бермаслик орқали қоидабузарлик қилган.

Ҳафнауи — Токио–2020 Олимпиадасида 400 метрга эркин сузиш йўналишида чемпион бўлган. Шунингдек, 2023 йилги жаҳон чемпионатида 800 ва 1500 метр масофаларга сузиш бўйича икки карра ғолибликка эришган.