Олимпиада. Шахматчиларимиз кучли ҳисобланган Эрон билан дуранг ўйнашди

Мазкур Олимпиадада Ўзбекистон терма жамоаси шарафини 5 нафар шахматчимиз - Осиё чемпиони Нодирбек Ёқуббоев, Шамсиддин Воҳидов, Осиё чемпионатининг бронза медали совриндори Саидакбар Сайдалиев, Ситора Сапарова ҳамда Далер Воҳидов ҳимоя қиляпти.

Ўзбекистон ўсмирлар терма жамоаси дастлабки икки учрашувда Жанубий Африка Республикаси ҳамда Аргентина терма жамоаларини мос равишда 4:0, 2,5:1,5 ҳисобларида мағлуб этишганди. Кеча оқшом эса эронлик шахматчилар билан 2:2 ҳисобидаги дуранг натижага имзо чекишди.  

Таққослаш учун, Эрон рейтингда иккинчи, бизнинг терма жамоамиз эса бешинчи ўринни эгаллаб турибди. Нодирбек Ёқуббоев ва Далер Воҳидов кучли рақибларидан устун келишди. Шамсиддин Воҳидов ва Саидакбар Сайдалиев эса мағлубият аламини тотиб кўришди.

Бугун шахматчиларимиз Беларусь терма жамоасига қарши баҳс олиб боришади. Учинчи турдан сўнг Ўзбекистон ва Эрон терма жамоалари учинчи ва тўртинчи ўринни бўлишиб туришибди. Пешқадам Россия ва Ҳиндистон терма жамоалари эса уччала баҳсда ҳам ғалаба нашидасини суришган. 

Iran - Uzbekistan 2 : 2

IM Tabatabaei, M.Amin (2573) - IM Ёқуббоев Нодирбек (2448)0 - 1

IM Firouzja, Alireza (2526) - IM Воҳидов Шамсиддин  (2412) 1 - 0

IM Gholami, Aryan (2479) - Сайдалиев Саидакбар (2362) 1 - 0

Gholami Orimi, Mahdi (2298) - Воҳидов Далер (2250) 0 - 1