15 дек 09:02
Янгиликлар

Шахмат

Олимпиада. Шахматчиларимизда илк мағлубият

Ҳиндистоннинг Аҳмадобод шаҳри мезбонлик қилаётган шахмат бўйича 16 ёшгача бўлган ўсмирлар ўртасидаги Бутунжаҳон Шахмат Олимпиадаси ўзининг қизғин палласига кириб боряпти.

Ўзбекистон ўсмирлар терма жамоаси бешинчи турга келиб илк мағлубиятни қарши олди. Кеча ҳамюртларимиз биринчи рақам остида таснифланган Россия терма жамоасига 1,5:2,5 ҳисобида ютқазиб қўйишди.

Бироз кутилмаганда Нодирбек Ёқуббоев ва Саидакбар Сайдалиев рақибларига партияни бой беришди. Далер Воҳидов ғалабага эришди, Шамсиддин Воҳидов ва эса дуранг билан кифояланди.

Бугун шахматчиларимиз Туркия терма жамоасига қарши баҳс олиб боришади. Бешинчи турдан сўнг Ўзбекистон терма жамоаси тўртинчи ўринни эгаллаб турибди.

Иккинчи ва учинчи поғоналардан Эрон ва Ҳиндистон шахматчилари жой олишган. Бешта учрашувда юз фоизлик натижа кўрсатган Россия терма жамоаси турнир жадвалида пешқадамлик қилмоқда.