Олимпия ўйинлари совриндорига ютқазиб бериши учун катта миқдорда пул таклиф қилишди

Бу ҳақида италиялик эркин курашчининг ўзи маълум қилди. Ҳолат яқинда Озарбайжон пойтахти Боку шаҳрида ўтказилган Париж-2024 Олимпиадаси учун лицензион турнирда рўй берган. 

"Ёнимга бир киши келиб, ютқазиб беришим учун 300 минг доллар пул таклиф қилди. Ким пул таклиф қилганини айтмайман. Бу ҳолат тарозидан ўтиш куни рўй берди. Таклифга нима деб жавоб бердим? Яхшигина сўкишимни эшитди. Исботим борми? Менинг ўзим тирик гувоҳман! Мен нафақат ўзим, балки мамлакат федерацияси, армиям ва бутун Италияни намоён этаман. Ҳаққонийлигим, ғуруримни синдириш улар ўйлагандек осон иш эмас. Ўзимдан ўтганини фақат ўзим биламан. Шубҳангиз бўлса, мезбон курашчилар билан бўлиб ўтган баҳсимни кўриб чиқинг. Беш нафар ҳакамнинг бари бирдек рақиб тиззасини гиламга босганимни қайд этди. Ҳакамлар ҳайъати раиси вазият такрорини кўриб чиқди. Лекин фақат битта камерада олинган кадрни ва у ҳам ҳакамлар қарорини қўллаб-қувватлади. Озарбайжонда икки хисса куч билан курашиш кераклигини билардим. Чунки, ҳамма нарсани сотиб олишганди. Турнирдаги барча беллашувларимда фақат бир ҳакамнинг ишлагани ғалати эмасми? Ҳакам умуман ўзгармади", — дея Чамизонинг сўзларини келтиради La Repubblica нашри.

Эслатиб ўтамиз, Фрэнк Париж-2024 Олимпиадасига Европа қитъаси лицензион турнирининг 74 кг вазн тоифаси беллашувлари 1/2 финалида озарбайжонлик Туран Байрамовга қарши баҳс олиб борди. Учрашув 8:8 (VPO1) ҳисобида якунланиб, Олимпиада лицезнияси Байрамовга тақдим этилганди.