11 июл 18:02
Янгиликлар
Бокс/ММА
Мозес Итаума Фрэнк Санчесга қарши чемпионлик камари учун жанг қилишдан бош тортди
21 ёшли британиялик оғир вазнли боксчи Мозес Итаума вакант бўлиб турган IBF чемпионлик камарини қўлга киритиш имкониятидан фойдаланмайди.
Итаума Халқаро бокс федерацияси (IBF) томонидан тайинланган кубалик Фрэнк Санчесга қарши чемпионлик жангини қабул қилмади.
«Фрэнк Санчес, Мурат Гассиев ва Даниэль Дюбуага қарши жанглар режамизда бор. Бу шунчаки вақт масаласи. Аммо ҳозир менинг Хрговичга қарши жангим белгиланган, тушунишимча, Санчеснинг ҳам рақиби бор. Ўйлайманки, охир-оқибат барибир барчамиз ўзаро жанг қиламиз», — дейди Итаума The Ring журналига берган интервьюсида.
29 август куни Лондонда Мозес хорватиялик Филип Хрговичга қарши рингга кўтарилади. Энди IBF чемпионлик камари учун Фрэнк Санчес ким билан жанг қилиши ҳозирча номаълум. Ҳамюртимиз Баҳодир Жалолов мазкур ташкилот рейтингида олтинчи поғонани эгаллаб турибди.
Ҳавола :
Манба : allboxing.ru
Фикрлар