04 фев 08:02
Янгиликлар

Болалар спорти

Олимпия заҳиралари коллежлари ихтисослаштирилган мактаб-интернатларига айлантирилади

Ўзбекистон Республикаси Президентининг «Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази фаолиятини такомиллаштириш тўғрисида»ги қарори қабул қилинди.

Унга мувофиқ, Ўрта махсус, касб-ҳунар таълими маркази негизида Касб-ҳунар таълими маркази ташкил этилади.

Марказнинг асосий вазифалари қаторига тасарруфида касб-ҳунар коллежлари бўлган вазирлик, идоралар, тижорат банклари ва йирик корхоналар билан биргаликда касб-ҳунар таълими соҳасида ягона давлат сиёсатини амалга ошириш киради.

Қарор билан санъат, маданият ва олимпия заҳиралари коллежлари ихтисослаштирилган санъат, маданият мактаблари ва мактаб-интернатларига ўзгартириш белгиланди. Уларнинг битирувчиларига диплом берилади.