16 янв 16:13
Янгиликлар

Оммалашган 5000 қадам + ФОТО

Чирчиқ шаҳри аҳолиси ўртасида "Беш минг қадам" лойиҳаси аллақачон оммалашиб улгурган.

Боиси, ҳафтанинг ҳар шанба куни эрта тонгда Чирчиқ шаҳар "Кимёгарлар" маданият саройи олдида минглаб одамлар эрталабки бадантарбия машқлари ва беш минг қадам юриш учун тўпланишади.

Бугун эрта тонгда ҳам худди шундай бўлди. Чирчиқ шаҳар ҳокими бошчилигида барча корхона ва ташкилотлардан ишчи ходимлар, ўқувчи ёшлар ва катталар, хуллас етти ёшдан етмиш ёшгача бўлган аҳоли эрталабки бадантарбия машқларини бажариб, беш минг қадам юришди.

Бугун мазкур "Беш минг қадам" лойиҳасида иштирок этганлар энди кун бўйи тетик ва хуш кайфиятда юриши аниқ!