23 июл 17:31
Янгиликлар

Шахмат

Ўн тўрт ёшли ўзбек гроссмейстери Швейцарияда сеанс ўтказиб, 16та партиянинг 15тасида ғолиб бўлди

Ўзбекистонлик 14 ёшли гроссмейстер Нодирбек Абдусатторов Швейцариянинг Биле шаҳрида ўзига хос сеанс намойиш этди.

Унда истеъдодли ҳамюртимиз бир вақтнинг ўзида 16 ёшгача бўлган 16 нафар шахматчига сеанс ўтди. Ушбу партияларнинг 15тасида Нодирбек ғалаба қозонди. Фақат битта доскада дуранг натижа қайд этилди.

Маълумот учун, Нодирбек Абдусатторов дунё шахмат тарихидаги иккинчи, айни пайтдаги энг ёш гроссмейстер ҳисобланади.