Ўн уч ёшли ҳамюртимиз гроссмейстерликнинг биринчи талабини бажарди

Ҳамюртимиз Россиянинг Воронеж шаҳрида ўтган Алёхин хотирасига бағишланган шахмат фестивалининг асосий турнири - “Воронеж-2018”да 6,5 очко билан совринли 5-ўринни эгаллаганди. Ушбу мусобақада 11 давлатдан 131 нафар шахматчи иштирок этган эди. 

Тўққиз тур якунларига кўра 4 нафар гроссмейстер 7тадан очко жамғарган ва қўшимча кўрсаткичларга кўра Дмитрий Кокарёв (2603, Россия) мусобақа ғолибига айланганди.

Синдаров (2449) чемпиондан ярим очкогина кам жамғариб, совринли 5-ўринни эгаллади. Пойтахтлик ёш шахматчи 9та партиядан 5тасида ғалабага эришди. Жавоҳирдан енгилганлар орасида халқаро гроссмейстерлар - Павел Понкратов (Россия, 2622), Алексей Придорожний (Россия, 2589), халқаро мастер Илья Ильюшенко (2530, Россия) бор. 

Синдаров халқаро гроссмейстерлар - Павел Потапов (2491, Россия), Иван Попов (2608, Россия) ҳамда халқаро турнир ғолиби Дмитрий Кокарёв (2603, Россия) билан дуранг ўйнади. Айнан шу натижаси туфайли Жавоҳир Синдаров гроссмейстерликнинг биринчи талабини бажарди.