19 май 08:29
Янгиликлар

Шахмат

Онлайн Ўзбекистон чемпионатининг навбатдаги ғолиби аниқланди

Шахмат бўйича ҳаваскорлар ўртасидаги биринчи онлайн Ўзбекистон чемпионатининг 17 май кунги баҳслари ҳам муросасиз кечди.

Эътиборли тарафи, чемпионат якунига етиб борган сари мусобақа иштирокчилари сони анчагина ортиб бормоқда. чесс.cом сайтининг Фаир Плай жамоаси томонидан тақдим этилган хулосага кўра еттинчи турнирда бош соврин 22 ёшли Хусанов Бекзодга насиб этди.

Биз Қашқадарё вилояти, Қарши шаҳрида таваллуд топган Бекзод Хусановни шахмат бўйича биринчи онлайн Ўзбекистон чемпионати еттинчи турниридаги ғалабаси билан табриклаймиз. Қолганларга эса ҳалол курашда чиройли ғалабага эришишларини тилаб қоламиз.

Эслатиб ўтамиз, шахмат бўйича ҳаваскорлар ўртасидаги биринчи онлайн Ўзбекистон чемпионати 20 майга қадар давом этади. Сизда ғолиб бўлиш имкони бор, имкониятни қўлдан бой берманг!