Онлайн шахмат мусобақасида қоидани бузганлар четлатилди ва янги ғолиб аниқланди

Текширув натижаларига кўра, иккинчи турнирда дастлабки учта ўринни эгаллаган ҳаваскор шахматчилар мусобақа қоидаларини қўпол равишда бузгани учун дисквалификация қилинди, шунингдек яна уч нафар иштирокчи ҳам мусобақадан четлатилди.

Умид қиламизки, ушбу аянчли воқеа қолган иштирокчилар учун сабоқ бўлади ва бошқа бу каби адолатсизлик, нопок ўйинлар такрорланмайди.

Жумладан, иккинчи турнир ғолиби бўлган Алишер Рустамов мусобақа иштирокчилари рейтинги (2100дан юқори бўлмаган) билан боғлиқ Низом талабларини бузганлиги учун мусобақадан бутунлай четлатилди.

Шахмат бўйича биринчи онлайн Ўзбекистон чемпионатининг иккинчи турнири ғолиби деб 2006 йилда Тошкент шаҳрида туғилган Мафтуна Бобомуродова топилди.