02 июн 21:27
Янгиликлар

Теннис

Онс Жабер "Ролан Гаррос" учинчи даврасига чиқди

Дунёнинг еттинчи ракеткаси Онс Жабер Франция Очиқ чемпионатининг учинчи давра иштирокчисига айланди.

Тунислик теннисчи иккинчи босқичда WTA рейтингида 122-поғонада бораётган франциялик Осеан Доденни ортиқча қийинчиликсиз мағлубиятга учратди - 6/2, 6/3.

Теннисчиларнинг ўзаро ўтказган илк учрашуви 72 дақиқа давом этган. Жабер 6, Доден 1 та эйс зарбасини амалга оширган. Онс учинчи даврада Ольга Даниловичга қарши кортга чиқади. Сербиялик теннисчи иккинчи босқичда италиялик Жасмин Паолинидан 6/2, 7/5 ҳисобларида устун келди.