19 июн 08:38
Янгиликлар

Ўқ отиш

Ўқ отиш бўйича Ўзбекистон чемпионатида ғолиблар аниқланди

Тошкент шаҳридаги МХСК ўқ отиш базасида пневматик ва кичик калибрли қуролдан ўқ отиш бўйича Ўзбекистон чемпионати давом этмоқда.

Беллашувларнинг иккинчи куни аёллар ўртасида ўтказилган пневматик тўппончадан ўқ отиш баҳсларида Самарқанд вилояти вакиласи Ленара Асанова 229,6 очко билан биринчи ўринни эгаллади. Иккинчи ўрин эса тошкентлик Зарингиз Аминжоновага (228,1) насиб этди. Учинчи ўринга андижонлик Донохон Меҳмонова (208,8 очко) эга чиқди.

Микст, яъни аралаш жуфтлик баҳсларида биринчи ўринни тошкентлик спортчилар Владимир Свечников/Мария Мухиддинова тандеми эгаллади. Иккинчи ўрин эса тошкент вилояти спортчилари Абдураҳмон Анарбаев/Ирода Азимбаева жуфтлигига насиб этди. Учинчи ўринни самарқандлик спортчилар Рифат Гирфанов/Ленара Асановалар банд этишди.