Ўқ отиш. Ёшлар ўртасида Ўзбекистон чемпионати бошланди

Аввалига мусобақанинг очилиш маросими ташкил этилди. Кейин эса ўғил болалар ўртасида пневматик милтиқдан ўқ отиш (ВП-6) машқлари бошлаб юборилди. Бугун қизлар ўртасидаги баҳслар бўлиб ўтиши режалаштирилган.

Мазкур мусобақа аввало олимпия оиласига кирувчи ўқ отиш спорти  бўйича Ўзбекистон ёшлар терма жамоаси таркибини аниқлаш, иқтидорли спортчиларни саралаб олиш вазифасини ўтайди. 

Икки ҳафта олдин Бухорода федерация очиқ кубоги бўлиб ўтган эди. Кейин Республика техник ва амалий спорт турлари маркази томонидан Ўзбекистон кубогининг биринчи босқичи ташкил этилди.