UZ

Сўнгги янгиликлар

18:48"Уни нафақага кузатаман" - Пэдди Пимблетт Топурия билан жанг қилишни истамоқда 0 18:19"Мен Умар ва Усманнинг катта мухлиси эдим..." - Саба Лазишвили 0 17:40"Учрашиб, ҳаммасини муҳокама қилишимиз мумкин". Мераб Двалишвили Ислам Махачевга мурожаат қилди 0 17:17Абдуқодир Ҳусановнинг нархи Саудия Арабистони терма жамоасининг барча футболчилари қийматидан юқори 0 16:48Махачқалъада самбо бўйича Россия чемпионати совриндори отиб кетилди. Нималар маълум? 0 16:19Мераб Двалишвили: «Усман ва Умар эркак эмас» 0 15:45Асламжон Ортиқов чемпионлик реванши олдидан ўтган жангдаги хатосини эслади 0 15:17Почеттино АҚШ терма жамоаси ярим ҳимоячисини "Манчестер Юнайтед"га олиб келмоқчи 0 14:46Олти ой ўрнига олти кун! Нурмагомедовларни қамоқдан Хабиб қутқариб қолдими? 0 14:15Ўзбекистонда велоспорт билан шуғулланувчилар сони 2030 йилгача 30 мингга етказилади 0 13:44Муҳиддин Мамажонов Қозоғистонда жанг қилади + ПОСТЕР 0 13:13"Нефтчи" – "Ал Ҳилол" учрашувини бошқарадиган ҳакам маълум бўлди 0 12:42Расман: БАА ҳукумати Усман Нурмагомедов иши бўйича ўз қарорини эълон қилди 0 12:11Жаҳон бокси юлдузлари Тошкентда жанг қилади + ПОСТЕР 0 11:40Дана Уайт мағлубияти йўқ гиёҳванд UFC жангчиси ҳақида гапирди 0

21 фев 17:41
Янгиликлар

Таэквондо

Осиё чемпионатида тўртта медаль олган ўзбек таэквондочиси Жасур Бойқўзиев билан интервью

Ўзбекистонлик собиқ таэквондочи Жасур Бойқўзиев бугунги кунда мураббийлик фаолиятини олиб бормоқда.

Ўзбекистон таэквондо WT ассоциацияси матбуот хизмати тўртта Осиё чемпионати совриндори билан суҳбатлашди. 

- Осиё чемпионатларида тўртта медаль олган ягона ўзбекистонлик спортчи ҳисобланасиз... 

- Албатта, 2012-2018 йилларда тўртта Осиё чемпионатида иштирок этиб, жами тўртта медаль қўлга киритган Ўзбекистондаги ягона таэквондочи эканлигимдан фахрланаман. 


- 2014 йилги қитъа чемпионати Ўзбекистонда ўтказилган. Ўз уйингизда, халқингиз қаршисида осиё чемпиони бўлгансиз. Ўша лаҳзаларда ичингиздан қандай ҳиссиётлар ўтган? 

- Ўзбекистонда ўтказилган Осиё чемпионатида жуда ҳам қаттиқ ҳаяжонланганман. Сабаби ўз уйимда ютқазиб қўйишдан жуда ҳам қўрққанман. Ютқазишга ҳаққим йўқ эди. Ўша Осиё чемпионатига қадар ўзбекистонлик таэквондочилар Осиё чемпионатида ҳеч қачон олтин медаль қўлга киритмаганди. Ўша мусобақа финалида эронлик Жаҳон чемпиони ва Олимпиада ўйинлари совриндори бўлган Юсуф Карамига қарши татамига чиққандим. Карами кўплаб жангларида рақибларини нокаутга учратиб ғалабага эришган, камига ярим финалда ҳам у хитойлик таэквондочини нокаут қилганди. Финалда яна ўз халқим қаршисида нокаутга учраб қолмасам бўлди деб жанг ўтказгандим. Якунда уни мағлуб этиб, таэквондо бўйича ўзбекистонлик биринчи Осиё чемпиони бўлиб тарихдан жой олганман. Буни ҳам доим фахр билан ёдга оламан. 



- Хошиминда 2012 ва 2018 йилларда икки марта кумуш медалларга эга чиққансиз. Хошимин сиз учун омадсиз шаҳарми ёки? 

- Балким. 2012 йилги қитъа чемпионатининг финалида вьетнамлик спортчига қарши жангда менга озгина омад етишмаган. Асосий раундларда 5:5 ҳисоби қайд этилган. Қўшимча раундда битта зарба ўтказиб юбориб мағлуб бўлгандим. 2018 йилги мусобақада эса 1,5 йиллик танаффусдан кейин яна катта спортга қайтганимдан сўнг қатнашгандим. Шу боис бу Осиё чемпионатидаги кумуш медални яхши натижа деб ҳисоблайман. 


- 2016 йил Манилада ўтган Осиё чемпионатини қандай ёдга оласиз? 

- 2016 йилдаги Осиё чемпионатида бронза медалига эга чиққанман. Ўшанда ярим финалда кореялик спортчига 4:5 ҳисобида ютқазиб қўйгандим. 


- Бўлажак Осиё чемпионатидан олдин ўзбекистонлик ёш таэквондочиларга қандай маслаҳатлар берасиз?

- Спортчиларга маслаҳатим шуки жанг давомида машғулотда қилинган ва қила олиши мумкин бўлган барча ишни қилса ва мураббийлар айтганини қилиб ўзига ишонча албатта ғалаба қозонади. Барча таэквондочиларимизга Осиё чемпионатида омад тилаб қоламан.


Ўзбекистон таэквондо WT ассоциацияси матбуот хизмати

Рейтинг: +2   

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг