Осиё чемпионатининг илк кунидаёқ 11та медал+ФОТО

Қитъа чемпионати 7,9,11,13,15 ҳамда 17 ёшли мактаб ўқувчилари ўртасида ўтказилмоқда. Терма жамоамиз аъзолари рапид йўналишида 4та олтин, 3та кумуш, 4та бронза медалини қўлга киритишга муваффақ бўлишди. 

Ҳамюртларимиздан Ҳумоюн Бекмуродов 9 ёшли шахматчилар ўртасида 7 имкониятдан 6,5 очко тўплаб, Осиё чемпионига айланди. Афруза Ҳамдамова ҳам 9 ёшлилар мусобақасида 6,5 очко билан олтин медални қўлга киритди. Яна бир чемпионлик шохсупаси Олмос Раҳматуллаевга насиб этди. У 13 ёшли шахматчилар турнирида 6 очко билан чемпион бўлди. Терма жамоамизга тўртинчи олтин медални Умида Омонова келтирди. Умида 13 ёшлилар орасида 7та партиянинг барчасида ғалаба қозонди.

Зилола Актамова 11 ёшлилар орасида, Али Қосимов 15, Абдумалик Абдисалимов эса 17 ёшли шахматчилар ўртасида кумуш медал билан тақдирланди. 

Етти ёшли болалар мусобақасида қатнашган Тоҳир Неъматов, 11 ёшлилар гуруҳи иштирокчиси Давлатбек Маҳмуджонов, 17 ёшли қизлар турнирида имкониятини синовдан ўтказган Ситора Сапарова, айнан шу ёшдаги ўғил болалар ўртасида Муҳаммадали Абдураҳмонов бронза медалига сазовор бўлди. 

Бугун Шри-Ланкдаги Осиё чемпионатида иштирокчилар стандарт шахмат бўйича медаллар шодаси учун баҳсларга киришишади.