02 апр 10:39
Янгиликлар

Шахмат

Осиё чемпионатининг илк олтин ва кумуш медали кўлга киритилди!

Таиланднинг Чаингмай шаҳрида ўтказилаётган ўсмирлар ўртасидаги Осиё чемпионати дастуридаги рапид йўналиши ниҳоясига етди.

Мусобақа 7 турдан иборат швейцарча тизимда ташкил этилди. Натижаларга кўра, 16 ёшгача ўғил болалар ўртасида ҳамюртимиз Абдумалик Абдусалимов 35 нафар спортчи орасида олтин медални қўлга киритди.

Саккиз ёшгача қизлар ўртасида Тошкент шаҳри вакиласи Одина Олимова 43 нафар спортчи ўртасида Осиё чемпионатининг кумуш медалига сазовор бўлди.

Шунингдек, 12 ёшгача қизлар ўртасида Умида Омонова умумий ҳисобда 4-ўринни эгаллади. Бугундан Осиё чемпионатининг стандарт йўналиши бўйича баҳслар давом этади.