UZ

Сўнгги янгиликлар

14:50Депайнинг агенти: "Бу ёлғон!" 0 14:29Майами WTA-1000 турнирида 1/2 финал жуфтликлари маълум бўлди 0 14:08Жасур Алижанов Маҳмуд Мурадовнинг навбатдаги жангида ҳам мураббийлик қиладими? 0 13:47Яхши янгилик: UFC видео-ўйинида илк бор ўзбекистонлик жангчи пайдо бўлиши мумкин 0 13:39"Great Silk Way-2024". Баҳодир Жалолов иштирокидаги финал жанги ўтказилмайди 0 13:26Футзал. Терма жамоамиз бугун Қирғиз Республикасига қарши баҳс олиб боради 0 13:03Янник Синнер Майами "Мастерс" 1/2 финалида 0 12:42Жонни Уокер ҳамюртимизнинг собиқ рақибига қарши жанг қилади 0 12:21Ўзбекистонлик спортчилар оиласида туғилган фигурали учувчи жаҳон рекордини ўрнатди 0 12:00Хави "Барселона"да қолиши мумкин, лекин бош мураббий сифатида эмас! 0 11:39Александрова Майами WTA-1000 турнири 1/2 финалига чиқди 0 11:18Ўзбекистон терма жамоасининг 11 нафар боксчиси финалга йўл олди. Қозоғистон ва Россияданчи? 0 10:57Шоҳжаҳон Эргашевнинг эртанги жанги Ўзбекистонда трансляция қилинадими? 0 10:36Месси футболдан ташқари яна қайси спорт турларига қизиқишини айтди 0 10:15Шара Буллет ҳам Саудиядаги UFC турнирида жанг қилади. Унинг рақиби эълон қилинди 0

04 авг 08:07
Янгиликлар

Шахмат

Осиё Миллатлар Кубоги-2018. Шахматчиларимизда 9та медал!

Эроннинг Ҳамадон шаҳрида ўтказилган Осиё Миллатлар Кубоги-2018 мусобақасида Ўзбекистон терма жамоаси шахсий ҳисобда 1та олтин, 4та кумуш, 4та бронза медалини қўлга киритди.

Ана шу медалларнинг 7таси Ўзбекистон аёллар терма жамоаси аъзолари ҳисобига тўғри келди. Жамоавий баҳсларда терма жамоамиз совринли ўринлардан бирини эгаллаш учун жуда ҳам яқин келган эди. Шахматчиларимиз Осиёнинг кучли терма жамоалари билан тенгма-тенг ўйнашди, баъзи ҳолатларда устунлик ҳам қилишди. Лекин бирозгина омад етишмади.

Шунга қарамай, шахматчиларимиз шахсий ҳисобда жами 9та медал қўлга киритишди. Шулардан 1таси олтин, 4таси кумуш ва 4таси бронза медалидир!

Ўзбекистон аёллар терма жамоаси кўрсатган ўйинни алоҳида таъкидлаш ўринли бўлса керак. Стандарт шахмат бўйича ўтказилган мусобақада гроссмейстеримиз Гулруҳбегим Тоҳиржонова ажойиб натижа кўрсатди. Биринчи доскада ҳаракат қилган ҳамюртимиз ўтказилган 6та партияда мағлубият нималигини билмади (5 ғалаба ва 1 дуранг). Бу билан халқаро гроссмейстеримиз биринчи доскада ҳаракат қилган Осиёнинг кучли гроссмейстерлари орасида бронза медалига сазовор бўлди. 

Жамоа сардори сифатида ҳаракат қилган халқаро мастер Ирина Геворгянга ҳам осон бўлмади. Учинчи доскада ўйнаган Ирина 3та ғалаба ва 2та дуранг билан мусобақанинг кумуш медалини қўлга киритди. 

Қизларимиз сўнгги финал турида бўлажак чемпионлар – Хитой терма жамоаси билан дуранг қайд этишди. Ундан аввал кучли ҳисобланган Эроннинг Iran Green жамоасини мағлуб этишнинг уддасидан чиқишди.

Терма жамоамизга яна бир кумуш медални стандарт шахмат баҳсларида WIM Севара Боймуродова тақдим этди. Севара бешинчи доскада 3та ғалаба ва 2та дуранг натижага эришди. 

Ўзбекистон аёллар терма жамоаси аъзолари қолган йўналишларда ҳам ўзларини кўрсатишди. Жумладан, рапид баҳсларида иккинчи доскада ўйнаган WGM Сарвиноз Қурбонбоева ва WIM Севара Боймуродова (5 доска) кумуш медалларни қўлга киритишди. Рапидда WIM Нодира Нодиржонова (4 доска) бронза, блицда Севара Боймуродова бронза медалига сазовор бўлди. Ўзбекистон аёллар терма жамоаси жами 7та медални қўлга киритди!

Ёш шахматчилардан таркиб топган Ўзбекистон эркаклар терма жамоаси ҳам мусобақада яхши натижа қайд эта олди. Стандарт шахмат баҳсларида энг кучли ҳисобланган биринчи доскада юртимиз шарафини Ўзбекистон чемпиони, 16 ёшли халқаро мастер Нодирбек Ёқуббоев ҳимоя қилди. Эътиборлиси, у ўтказилган 7та учрашувда умуман мағлубиятга учрамади. Осиёнинг машҳур гроссмейстерлари - GM Адхибан Б. (Ҳиндистон, 2671), GM Нгуен Нгок Труонг Сон (Вьетнам, 2618), GM Хоссайн Энамул (Бангладеш, 2473), GM Гаем Магами Эҳсон (Эрон, 2537), GM Лу Шанглей (Хитой, 2629) билан дуранг ўйнади. Яна иккита партияда рақибларини мағлубиятга учратди. 

Жамоавий баҳсларда шахматчиларимизнинг кучли ҳисобланган ва якунда 2-ўринни эгаллаган Ҳиндистон терма жамоаси билан дуранг ўйнаганлигини таъкидлаб ўтиш жоиз. Тезкор шахмат мусобақасида эса шахматчиларимизга бироз омад етишмади. Якунда терма жамоамиз Хитой ва Ҳиндистон шахматчилари билан 2-4 ўринларни бўлишиб олди. Қўшимча кўрсаткичлар (шахсий очколар) ҳисобигагина терма жамоамиз кучли тўртлик билан кифояланди. Учинчи доскада ўйнаган халқаро мастер Жавоҳир Синдаров ажойиб ўйини эвазига олтин медални қўлга киритди! Бешинчи доскада ҳаракат қилган FM Абдумалик Абдисалимов рапид турнирида бронза медалига сазовор бўлди.

Ўзбекистон эркаклар терма жамоаси илк бор нуфузли мусобақада халқаро гроссмейстер, жамоамизнинг ўйновчи сардори Сайдали Йўлдошев қўл остида ҳаракат қилди. Ёш шахматчиларимиз Осиё Миллатлар Кубогида катта тажриба тўплашди. Олдинда яна ҳам масъулиятли мусобақа - 43-халқаро шахмат Олимпиадаси кутиб турибди. Жорий йилдан ўрин олган энг асосий мусобақа 50 кундан сўнг, аниқроғи 23 сентябрь куни Грузиянинг Батуми шаҳрида старт олади. 

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг