Оскар Де Ла Хойя Райан Гарсия - Мэнни Пакьяо жанги ҳақида гапирди

"Бу жанг ҳақида суҳбат олиб борсак бўлади, сабаби уни ташкил этиш мумкин. Чунки Мэнни Пакьяо яқинда суддаги ишида ғалаба қозонди. Суд ишлари туфайли у АҚШда жанг қилиш ҳуқуқига эга эмас эди. Аммо ҳозир буни амалга ошира олади. Бу икки боксчи учун ҳам яхши вариант. Тасаввур қилинг, Райан Гарсия Мэнни Пакьяога қарши! 

Пакьяо ҳақида айтадиган бўлсак, у кичкина йигит. Менимча, унинг барча вазни оёқларида. Унинг катта, кучли оёқлари бор. Мен бу жангни ярим ўрта вазнда (142-143 фунтда) бўлади деб ўйлайман.

Райан Гарсиянинг эса габарити катта. Аммо бу тўқнашув Райан айтиб ўтган Роландо Ромеро, Исаак Круз ва Теофимо Лопес билан бўладиган жангларга тўсиқ бўлади. Менимча, Пакьяога қарши жанг Гарсия учун ажойиб вариант", - деди Де Ла Хойя.