11 мар 07:49
Янгиликлар

Қишки спорт турлари

Ослодаги жаҳон Кубоги ўтказилмаслиги мумкин

Халқаро биатлончилар уюшмаси (IBU) жаҳон Кубогининг сўнгги босқичини ўтказиш масаласини муҳокама қиляпти.

Сўнгги тўққизинчи босқичнинг 20-22 март кунлари Норвегиянинг Осло шаҳрида ўтказилиши режалаштирилган. Лекин коронавирус эпидемияси сабаб бу мусобақа бекор қилиниши мумкин.

"Норвегия ҳукумати 500 ва ундан зиёд спортчилар иштирок этадиган мусобақаларни ўтказилмасликни тавсия қилди. IBU ҳозирда Норвегия томони билан бу масала юзасидан музокара ўтказяпти. Балки, мусобақа умуман ўтказилмас", - дейилади Халқаро биатлончилар уюшмасининг расмий баёнотида.

Эслатиб ўтамиз, Чехиянинг Нове-Место шаҳри мезбонлик қилган жаҳон Кубоги босқичи томошабинларсиз ўтказилган эди.