04 июл 07:32
Янгиликлар

Эшкак эшиш

Ўсмирлар ўртасида Ўзбекистон чемпионати старт олмоқда

Бугун Тошкент денгизида академик эшкак эшиш бўйича 2000-2001 йилларда ва ундан кейин таваллуд топган ўсмирлар ва қизлар ўртасида Ўзбекистон чемпионати бошланади.

Мусобақада олимпия захиралари коллежлари, болалар ва ўсмирлар спорт мактабларининг истеъдодли спортчилари куч синашадилар. Чемпионат доирасида спортчилар JMA1x, JWA1x, JMA2x, JWA2x, JMA2-, JWA2-, JMA4x, JWA4x, JMA8+, JWA8+, JMB1x, JWB1x, JMB2x, JWB2x йўналишларида совринли ўринлар учун кураш олиб борадилар.

Беллашувлар Олимпия йўналиши ҳисобланган 2000 метр масофага бўлиб ўтади. Ушбу мусобақа орқали терма жамоамиз мураббийлари III ўсмирлар Олимпия ўйинларида иштирок этадиган спортчиларимизни яна бир бор синовдан ўтказадилар.