Отабек Умаровни табриклаймиз!

Отабек Умаров 1984 йил 15 май куни таваллуд топган. Отабек Муҳаммадалиевич бир неча йилдирки, ўзбек спорти ривожига улкан хисса қўшиб келмоқда. Хусусан, Ўзбекистон триатлон федерациясида олиб борилаётган ислоҳотлар, малакали хорижлик мураббийнинг жамоада ишлаётгани мазкур спорт турининг ривожини янги босқичга олиб чиқди. Отабек Умаров ўтган йилнинг 15 декабрь куни Маскат шаҳрида ўтказилган Осиё Олимпия Кенгаши (ООК)нинг 74-Ижроия қўмитаси йиғилишида Осиё Олимпия Кенгаши вице-президенти этиб сайланган эди. 

Ўзбекистон аралаш жанг санъати ассоциацияси тузилганига кўп вақт бўлмаган эрса-да, янги ташкилот илгари тарқоқ бўлиб юрган жангчиларимизни бир байроқ остида бирлаштирди. Эндиликда мазкур йўналишнинг ривожи юртимизда жисмоний тарбия ва спортга бўлган эътиборни икки карра оширди, дея эътироф этиш мумкин. Зеро, Тошкентда илк бор мазкур йўналиш бўйича GFC-20 турнири ва Ўзбекистон чемпионатининг ўтказилиши фикримиз исботига яққол далил бўла олади.

Фурсатдан фойдаланиб, сайтимиз ижодкорлари ва ўқувчилари номидан Отабек Умаровни бугунги таваллуд айём билан чин қалбдан табриклаб, у кишига узоқ умр ва сиҳат-саломатлик тилаймиз.