17 апр 10:10
Янгиликлар

Хоккей

Овечкиннинг голи "Вашингтон"ни плей-оффга олиб чиқди

Миллий хоккей лигасининг Мунтазам чемпионатида навбатдаги учрашув бўлиб ўтди.

Унда "Филадельфия Флайерз" клуби "Вашингтон Кэпиталз" жамоасини қабул қилди. "Уэллс Фарго-центр" аренада бўлиб ўтган баҳсда меҳмонлар 2:1 ҳисобидаги қийин ва шу билан бирга муҳим ғалабани қўлга киритишди.

"Вашингтон" сафида жамоа етакчиси, россиялик ҳужумчи Александр Овечкин ҳамда Ти Жей Оши киритилган шайбаларга муаллифлик қилишди. "Филадельфия"нинг ягона жавоб голи Эрик Жонсон ҳисобига ёзилди.

Эътиборлиси, Овечкин Миллий хоккей лигасида ўзининг 1426-учрашувини ўтказди. Унинг ҳисобида 853 та гол ва 697 та голли узатма бор. "Вашингтон" 91 очко билан Шарқий конференцияда 8-ўринни эгаллади ва плей-офф босқичига йўл олди. "Филадельфия" эса мавсумни 87 очко билан 11-ўринда якунлади.