"Охирги жангдаги хатоларимни такрорламайман". Двалишвили Янга қарши учинчи жанг ҳақида гапирди

Жанг 24 октябрь куни БААнинг Абу-Даби шаҳрида бўлиб ўтадиган UFC 333 турнири доирасида ташкил этилади.

"Мен Янга қарши жангда ҳал қилувчи аҳамиятга эга бўлади, деб ўйлаётган бир нечта кичик жиҳатларни тайёргарлигимга қўшдим. Охирги сафардаги хатоларимни такрорламайман. Ушбу машғулотлар йиғини давомида устида ишлаган нарсаларим самара беришигa ишонаман. Биз айтиб бера олмайдиган бир-иккита яхши жиҳат ҳам бор.

Аслида, охирги жангда бурчагимдагилар менга бошқача кўрсатмалар беришган. Улар танасига зарба беришимни айтишди, ваҳоланки, биз бунинг устида умуман ишламаган эдик. Бу мени чалғитиб юборди.

Ҳозир ўзимга ишончим комиллигининг сабаби ҳам шу. Жанг учун зарур бўлган барча ишларни қиляпман ва ғалаба қозониш учун қўлимдан келган ҳамма нарсани амалга оширяпман", — деди Двалишвили.