23 июн 09:57
Янгиликлар

Бокс/ММА

Ўз камарини Грассога ютқазиб қўйган Шевченко реванш жангига эга бўлди

Теглар : Валентина Шевченко Алекса Грассо

17 сентябрь куни АҚШнинг Лас-Вегас шаҳрида жойлашган T-Mobile Arena'да навбатдаги UFC Fight Night турнири бўлиб ўтади.

Мазкур оқшомнинг марказий жанги UFC томонидан эълон қилинди. Ушбу жангда аёллар ўртасида ўта енгил вазн тоифаси чемпиони, мексикалик Алекса Грассо (16-3-0) ўз титулини собиқ чемпион, Қирғизистон вакиласи Валентина Шевченкодан (23-4-0) ҳимоя қилади. Чемпионлик жанги 5 раунд этиб белгиланган.

Эслатиб ўтамиз, Валентина Шевченко ҳамда Алекса Грассо ўртасидаги илк жанг 4 март куни бўлиб ўтган эди. Унда Грассо муддатидан аввал ғалаба қозониб, чемпионлик камарини қўлга киритганди.