Ўзбек бокси ниманинг ҳисобига Қозоғистонни ортда қолдирмоқда? Мирзагали Айтжанов жавоб берди

"Ривожланиш йўлида иш олиб борилмоқда. Мен январь ойида жамоага келганман, тўрт йил жамоа билан бирга бўлмадим. Ҳеч кимни айбламоқчи эмасман. Менгача ишлаган мураббийлар ҳам катта ҳажмдаги ишни бажаришган. Мен ўз ишимни қиляпман. Ёрдамчим, терма жамоа катта мураббийи Марат Жакиев - мамлакатдаги энг яхши мутахассислардан бири ҳисобланади. 

Ўзбекистон ниманинг ҳисобига биздан олдинда? Биринчидан, уларда йигитлар интизомли. Иккинчидан, меҳнатсевар. Машғулотлардан сўнг улар керак бўлса уйга бориб, уй ишларини қилишади. Бизда эса бу борада бироз оқсаш бор. Бизнинг йигитлар асосан шаҳарлардан. Мен баъзида уларни уришаман: "Бойларнинг боласи" деб. Шунинг учун, болаликдан меҳнатга ўргатиш керак", - деди Айтжанов.