14 окт 11:55
Янгиликлар
Бокс/ММА
Ўзбек спортчиси машҳур "Bellator"да дебют қилди
Ўзбекистонлик аралаш қоидалар жангчиси Зарруҳ Адашев бугун "Bellator' промоушени томонидан ташкил этилган жанг оқшомида иштирок этди.
Ушбу баҳсда ҳамюртимизга америкалик Кристиан Медина рақидблик қилди. Қайд этиш лозимки, Адашевнинг "Bellator"даги дебюти омадли чиқди. Ҳамюртимиз жангнинг биринчи раундидаёқ рақибини мағлубиятга учратди.
Маълумот учун, "Bellator" аралаш қоидалар асосидаги жангларни ташкил этадиган промоушенлик компаниясидир. У нуфузи жиҳатидан жаҳонда UFC дан кейинги ўринда туради.
ЖАНГ ВИДЕОСИНИ ТОМОША ҚИЛИНГ
Ҳавола :
Манба : olamsport.com
Фикрлар
Ўзбекистон делегацияси мусобақада 54 нафар спортчи билан иштирок этиб, 77 та медаль (35 та олтин, 24 та кумуш ва 18 та бронза) жамғарди ва мусобақа тарихидаги энг яхши натижасига эришди.
Ўзбекистон параатлетларининг халқаро майдондаги натижалари:
I Параосиё ўйинлари, Гуанчжоу-2010: 21 спортчидан 6 та медаль (1+2+3)
XIV Паралимпия ўйинлари, Лондон-2012: 10 спортчидан 1 та медаль (кумуш)
II Параосиё ўйинлари, Инчеон-2014: 27 спортчидан 31 та медаль (22+5+4)
XV Паралимпия ўйинлари, Рио-2016: 32 спортчидан 31 та медаль (8+6+17)
III Параосиё ўйинлари, Жакарта-2018: 54 спортчидан 77 та медаль (35+24+18)
Қайд этиш жоиз, Ўзбекистон делегациясини Жакарта-2018нинг энг сермаҳсул жамоаси бўлди, дейиш мумкин. Негаки, мусобақада кучли ўнликка кирган мамлакатлар орасида айнан Ўзбекистон терма жамоаси энг кам спортчи билан иштирок этди. Хусусан, Хитой – 232, Жанубий Корея – 201, Эрон – 210, Япония – 303, Ўзбекистон – 54, Индонезия – 295, Таиланд – 237, Малайзия – 139, Ҳиндистон – 193, Ҳонгконг – 100 нафар атлет билан ташриф буюрган эди.
Ўзбекистон терма жамоаси вакиллари бешта спорт турида мусобақаларда қатнашиб, уларнинг тўрттасида (сузиш, енгил атлетика, дзюдо, пауэрлифтинг) медаллар жамғаришди. Фақат ўқ отиш бўйича баҳслар бундан мустасно. Энг кўп соврин сузиш бўйича баҳсларда қўлга киритилди.
Сузиш терма жамоасининг икки вакиласи - Фотима Омилова ва Шоҳсанамхон Тошпўлатова мусобақада ўзлари иштирок этган 7 та йўналишдаги баҳсларнинг барчасида совриндорлар сафидан жой олишди. Бу икки спортчи биргаликда 7 та олтин, 6 та кумуш, 1 та бронза билан умумий жамғармага салмоқли ҳисса қўшди.
Сузувчилардан, шунингдек, Дмитрий Хорлин ва Ислом Асланов бештадан медалга сазовор бўлди. Яна қатор спортчилар бир неча мартадан шоҳсупага кўтарилишнинг уддасидан чиқишди.