Ўзбек спорти афсонаси Оксана Чусовитина 43 ёшда!

1992 йилги Олимпия ўйинлари чемпиони, 2008 йилги Пекин Олимпиадаси вице-чемпиони, уч карра карра жаҳон чемпиони, Европа чемпионати ва Осиё ўйинлари ғолиби Оксана Чусовитина Ўзбекистоннинг фахри ҳисобланади. У еттита ёзги Олимпия ўйинлари иштирокчиси (1992, 1996, 2000, 2004, 2008, 2012, 2016) ҳисобланади. Оксана ушбу кўрсаткич орқали Гиннес рекордлари китобига ҳамда Халқаро гимнастика шон-шараф залига киритилган. Эътиборлиси, Чусовитина профессионал фаолиятини якунламай туриб шон-шараф залига кирган ер юзидаги ягона гимнастикачи ҳисобланади.

Оксана Чусовитинанинг хизматлари давлатимиз томонидан муносиб тақдирланган. У Ўзбекистонда хизмат кўрсатган спортчи фахрий унвони эгаси, шунингдек "Дўстлик", "Меҳнат шуҳрати" ва "Эл-юрт ҳурмати" орденлари билан тақдирланган.

У яна Олимпия ўйинларида иштирок этмоқчими?

"Нима учун йўқ? Атрофдагилар мени ақлдан озганлигимни муҳокама қилишни тўхтатишди. Шунча йилдан бери мусобақаларда иштирок этиб келаяпман, демак одамлар бунга ўрганишди. Муаммо нимада? Мен мусобақаларга охирги ўринни эгаллаш учун бораётганим йўқку? Ҳаттоки медаллар қўлга киритаяпман. Бу менга жуда ёқяпти" - деганди Оксана ўз интервьюларининг бирида.