15 июн 19:52
Янгиликлар

Бокс/ММА, Таэквондо

Ўзбек спортида ўзгаришлар давом этади: Рио Олимпиадасининг "фронт ортидаги" қаҳрамонларидан бири катта спортга қайтмоқда

Аввалроқ, Ўзбекистон таэквондо WTF ассоциацияси раиси Аҳмаджон Раҳимов ўз лавозимини тарк этиши ҳақида хабар қилгандик.

Olamsport.com сайтига маълум бўлишича, энди Ўзбекистон таэквондо WTF ассоциацияси раҳбари лавозимида Шерзод Тошматов иш бошлайди.

Қайд этиш лозимки, Шерзод Тошматов узоқ йиллар давомида (2019 йилнинг февраль ойига қадар) Ўзбекистон бокс федерацияси раисининг биринчи ўринбосари сифатида фаолият олиб борган. Айнан унинг қўл остида боксчиларимиз Рио Олимпиадасида сенсацион равишда биринчи ўринни қўлга киритишган. Шунингдек, 2017 йилги Осиё чемпионати (10 та имкониятдан 9 та олтин), 2018 йилги Осиё ўйинларида (7 та имкониятдан 7 та медаль) ги муваффақиятли иштирок ҳам айнан шу инсоннинг қўл остида содир бўлган.

Умид қиламизки, Шерзод Рихсибаевичнинг ушбу зафарли юриши таэквондода ҳам давом этади.