Ўзбек таэквондоси тарихида янги саҳифа очилди!

Бу ҳисоб бўйича тўртинчи Жаҳон чемпионати ҳисобланади. 

Ўзбекистон терма жамоаси олдинги учта Жаҳон чемпионатида жами 7та бронза медалини қўлга киритган. Тошкентдаги мусобақада кеча ҳамюртимиз Муҳаммадамин Алиев ҳам бронза медалига эга чиққан эди. Бугун эса янги тарихий саҳифа очилди. Ўзбекистонлик Зафарбек Каримов -41 кг вазн тоифасида олтин медалини қўлга киритди ҳамда тарихга кирди. Бу юртимиз кадетлари учун дастлабки олтин медаль бўлди. 

Эртага мусобақанинг сўнгги кунида яна 5 нафар ҳамюртимиз жанг қилади. Улардан ҳам медаллар кутиб қоламиз! 

Ўзбекистон таэквондо WTF Ассоциацияси матбуот хизмати